وليد فواز يكشف سبب خوفه من دوره في مسلسل «برغم القانون».. قللت وزني 

أعرب الفنان وليد فواز، عن سعادته بنجاح مسلسل «برغم القانون»، الذي يتعاون خلاله مع الفنانة إيمان العاصي، مُشيرًا إلى أن الدور الذي قدمه مٌختلف تمامًا عن الذي قدمه من قبل، بل فقد وزنه من أجل الشخصية.

تفاصيل شخصية وليد فواز في مسلسل برغم القانون

وقال وليد فواز، خلال لقائه في برنامج It’s Showtime المقدم من الإعلاميتين دينا حويدق وسمر نعيم على شاشة قناة الحياة: «كنت خايف من الدور شوية؛ لأن كان فيه حاجات زيادة زي الغيرة والبخل، والراجل الغيور حاجة كويسة جدًا، لكن الغيرة لما بتزيد عن حدها ممكن تنقلب لضدها زي ما هنشوف في الأحداث».

وأضاف: «المؤلفة نجلاء الحديني وشها حلو عليّا، واشتغلت معاها في مسلسل بين السطور قبل كده، والمخرج شادي عبد السلام أعرفه من زمان جدًا في مسلسل بدون ذكر أسماء، ده غير إيمان العاصي قريبة لقلبي على الشاشة وشخصيًا واتبسطت بالشغل معاها، وكل زمايلي ماشاء الله عليهم».

وليد فواز: كنت عايز أقلل في وزني شوية وأعتقد ده باين على الشاشة

أما عن تحضيراته للدور، أردف وليد فواز: كنت عايز أقلل في وزني شوية وأعتقد ده باين على الشاشة، وإزاي أقدم اللهجة البيضاء لأهل بورسعيد، واجتهدت على قد ما أقدر مع الأستاذ سليمان هو فنان بورسعيدي ومسؤول عن اللهجة في المسلسل، عشان أوصل للهجة اللي بيتكلموا بيها وحطيت خبرة السنين وإني أعمل دور مختلف عن اللي قدمته».

برنامج It’s Showtime

الجدير بالذكر أن برنامج It’s Showtime يعرض على شاشة قناة الحياة يومي الثلاثاء والأربعاء من كل أسبوع في تمام الساعة العاشرة مساءً، وتقدمه الإعلاميتين دينا حويدق، وسمر نعيم.