في يوم ميلادها.. كيف التقت كارمن سليمان بزوجها مصطفى جاد؟

«مش قادرة لسه أصدق إنك أنت بقيت معايا، وخلاص كل إللي ياما حلمت بيه بقى بين إيديا، ربنا يخليك لقلبي»، كلمات قدمتها المطربة كارمن سليمان لزوجها المُلحن مصطفى جاد، الذي وقع في حبها من أول لقاء، تفاصيل رائعة جمعت الثنائي وتكللت بإنجابهما طفلهما زين، لذا نكشف كواليس أول لقاء جمع بينهما، تزامنًا مع يوم ميلادها الـ30 الذي يوافق اليوم.

قصة حب كارمن سليمان ومصطفى جاد

علاقة حب مختلفة حملت حبا كبيرا من الطرفين، رويا الثنائي كوليسها خلال لقاء تليفزيوني سابق، إذ كان اللقاء الأول لهما داخل مكتب صديق لهما يعمل موزعا موسيقيًا، وظل يحاول أن يتردد عليها كثيرًا حتى اتفقا على اللقاء الأول، وبحسب حديث الملحن مصطفى جاد: «كتبت لها بحبك بكل اللغات، إحنا عرفنا بعض فترة كبيرة جدًا، لأنها كانت عاوزة تبقى متأكدة وواثقة من قرارها، وهي كانت متلغبطة أوي وخايفة تاخد القرار، لأن بردو كانت لسه متمتش الـ20 سنة، وهي بردو شخصية مترددة جدًا، ومكانتش عاوزة تظلمني، وطول 8 شهور كانت بتقولي إنها مش مهتمة».

زواج كارمن سليمان والملحن مصطفى جاد

ليقرر أن يختفي لمدة خمسة أيام: «من أول ثانية قولت دي مراتي، بس اختفيت كخطة، عشان ألفت انتباهها»، وبالفعل قالت إنها لم تحتمل فراقه: «أه بينا 10 سنين بس هو أقرب ليا من أي حد»، ولم تشعر أن هناك فارقًا كبيرًا بينهما في العمر، لأنه لديه عاطفة وحنان عليها، وتزوجا عام 2017، وينجبا طفلهما زين بعد سنة.

وعبرت الفنانة كارمن سليمان عن حبها لزوجها قائلة: «مصطفى مش زي أي رجل بتمنى نعيش طول العمر سوا، وأكون له كل حاجة، وعادتنا بعد الجواز توافقت مع بعض أكتر، وهو دايمًا بيسمعني وبنحكي سوا، وحياتي بقيت أحسن معاه هو وزين، لأنهم كل حياتي».