كشف أحمد ياسر لاعب فريق المصري البورسعيدي السابق، ونادي التحدي الليبي الحالي عن موقف مؤثر بشأن الراحل إيهاب جلال مدرب الإسماعيلي الذي فارق الحياة أمس بعد معاناة مع المرض.

وكتب أحمد ياسر عبر صفحته بموقع التواصل الاجتماعي فيسبوك: «كابتن إيهاب جلال وإحنا في المصري قدام عيني كان بياخد مكافآت الماتشات ويوزعها على المحتاجين اللي واقفين قدام باب النادي غير اللي كان بيوصل الناس في بيوتها من غير ما تيجي».

وتابع : «كان يسأل على الحالات اللي محتاجة ويبعتلها ويفك كربها وكان يروح دار المسنين ويروح دار الأيتام من نفسه ومن غير تصوير ولا أي حاجة، عمره ما غلط في لاعب أو إهانة بيعامل الناس كلها باحترام وأخلاق إنسان بمعني الكلمه عمره ماتجاوز في حق حد رغم الظلم اللي وقع عليه ربنا يجعله في ميزان حسناتك ويجعل قبرك روضه من رياض الجنه كنت ملاك على الأرض يا كابتن إيهاب ربنا يرحمك يا حبيبي».

ورحل إيهاب جلال أمس بعدما تواجد في إحدى مستشفيات القاهرة من أجل تلقي العلاج اللازم.